Biblioteca ESO do CPI Bembibre

Entradas

Entradas recientes

CONMEMORACIÓN DO DÍA DA PAZ NO VAL DO DUBRA No Val do Dubra esta semana lembramos o Día da Paz con diversos traballos feitos por alumnado de 3º e de 2º da E.S.O, como unha pequena exposición sobre cancións en diferentes idiomas con temáticas que aluden á paz. Por outro lado, os alumnos de 3º tamén aportaron carteis e deseños para celebrar a idea de paz, que o mundo tanto necesita.

A CIENCIA NO VAL Esta semana o "Club de Ciencia" do C.P.I Bembibre comenzou a súa andaina recreando unha serie de interesantes experimentos. O noso obxectivo é espertar o interese polo coñecemento e investigación da ciencia, así como dar impulso ás vocacións científicas. Os participantes, alumnos de niveis de entre 1º e 3º da E.S.O., foron capaces de recrear diversos experimentos, como o famoso diabliño de Descartes. E, entre probas e risas, alá foi media tarde. Velaquí diferentes fotos da sesión, que se realizou no laboratorio de ciencias: Vémonos para a vindeira sesión!

ACTUACIÓN DE MARÍA DA PONTRAGHAE BLEUENN LE FRIEC O luns 30 de Outubro recibimos á educadora e antropóloga María da Pontragha e á artista bretoa Bleuenn Le Friec no auditorio de Bembibre. As dúas artistas mostraron, entre numerosos contos, o vínculo entre a tradición oral galega e o repertorio da música clásica. Con excelentes interpretacións , e convidando, entre as mesmas, ao público a rosquillas, gañáronse a un auditorio cheo dos rapaces do C.P.I de Bembibre. Velaquí varias fotos do acto:

OS CAMIÑOS DO VAL DO DUBRA Os alumnos do C.P.I.Bembibre fixeron a semana pasada unha exposición na que nos ensinaron numerosos camiños relacionados coa súa vida. Por medio de fotografías e descricións, adentrámonos na contorna para saborear a fermosura agochada nos camiños do Val do Dubra. Engadimos aquí numerosos exemplos da exposición, promovida polo Departamento de Historia: