Presentámonos

A Biblioteca Val do libro ten o seu espazo físico na planta baixa do edificio de educación secundaria do CPI de Bembibre ubicado en Bembibre, Val do Dubra (A Coruña).

O Val do Dubra é un encrave excepcional formado por un par de cadeas montañosas separadas polo val que forma a conca do río Dubra. O río, cruza o municipio de norte a sur e desemboca no Tambre sendo o protagonista dun lugar fantástico onde hai unha gran variedade paisaxística, pois podemos atopar zonas moi chairas e outras moi rochosas e accidentadas.

Esta particular morfoloxía poboada de carballos, castiñeiros, piñeirais e algúns eucaliptos, fai do Val do Dubra un lugar único e máxico pero tamén de difícil acceso á poboación.

Neste espazo, "Val do Libro", procuraremos mantervos informados das nosas actividades e campañas de dinamización lingüística e cultural.

Os materiáis didácticos, se non se especifica o contrario, son elaborados polo equipo da biblioteca, así como o material gráfico e audiovisual. 

As nosas canles de interacción son a web do centro http://www.edu.xunta.gal/centros/cpibembibre/e este blogue, polas cales poderemos estar en contacto e nas que poderedes opinar, dar ideas, facer peticións ou comentarios dos vosos pareceres, etc.

Fotos da nosa biblioteca: