O 8 de marzo celebramos o día da muller por unha igualdade de xéneros e tolerancia cero contra as violencias e o machismo. Para festexar este día tan importante, decoramos os corredores do noso Centro con pancartas de mulleres que fixeron e fan historia así como a figura de súper heroínas para decorar a árbore da biblioteca Val do Libro coa finalidade de empoderar á muller e cambiar as desigualdades que sofre a sociedad de hoxe. 

Dende a biblioteca Val do libro, hoxe, 8 de marzo, celebramos o día internacional da muller reivindicando a igualdade de xéneros e os dereitos da muller, e loitando contra   a brecha salarial, o teito de cristal, o acoso sexual, os traballos non remunerados, a cosificación mediática e a violencia machista. Para elo, o alumnado de toda a ESO involucrouse nun proxecto reivindicando mulleres que fixeron historia co seu traballo, reivindicacións e logros, e outras tantas que fixeron o mesmo pero que quedaron na sombra por causa do machismo. Mulleres de onte e hoxe que toda a comunidade educativa do CPI de Bembibre valoramos e reivindicamos. Os proxecto materializouse cunha árbore de mulleres na biblioteca e dúas pancartas feministas na cancela do centro.