24 de xaneiro, día da educación

Este mes celebramos o Día Internacional da Educación.

O Día Internacional da Educación ten lugar desde que a Asamblea Xeral das Nacións Unidas, en 2018, proclamou o 24 de xaneiro como a data escollida para esta celebración.

Na nosa biblioteca tentamos facer partícipes aos alumnos deste día mediante a seguinte proposta: anotar en diferentes carteis, pendurados na entrada do centro, ideas para ser bos alumnos, bos profesores e para aprender mellor. Deste modo todos podemos enriquecernos coas diferentes perspectivas aportadas.

Velahí os carteis:

Lembremos que é moi importante celebrar o papel da educación en favor da paz e do desenvolvemento, xa que aínda moitos países carecen das mesmas oportunidades de aprendizaxe para todos.

Valoremos a educación como esta merece!

Comentarios

Entradas populares de este blog

OUTRO ANO MÁIS... E aquí estamos, outro ano máis celebrando o Entroido no C.P.I. Bembibre, no que os rapaces participaron cos seus propios traxes de diferentes personaxes para festexar estas épocas. Entre eles tiñamos policías, hawaianas e hawaianos, xogadores de fútbol, cantantes... Ao final dos diferentes desfiles no pavillón municipal entregouse, coma todos os anos, un chocolate con algo doce para tomar. Temos aquí diferentes fotos do evento cos diferentes grupos: Grupo de 3º ESO A. Grupo de 2º ESO. Grupo de 3º ESO B Grupo de 4º ESO Grupo de 1º ESO. E máis fotos doutros participantes e das gradas:

A CIENCIA NO VAL Esta semana o "Club de Ciencia" do C.P.I Bembibre comenzou a súa andaina recreando unha serie de interesantes experimentos. O noso obxectivo é espertar o interese polo coñecemento e investigación da ciencia, así como dar impulso ás vocacións científicas. Os participantes, alumnos de niveis de entre 1º e 3º da E.S.O., foron capaces de recrear diversos experimentos, como o famoso diabliño de Descartes. E, entre probas e risas, alá foi media tarde. Velaquí diferentes fotos da sesión, que se realizou no laboratorio de ciencias: Vémonos para a vindeira sesión!

TARDES NO CLUB DE CIENCIA Integrantes do Club de Ciencia do C.P.I. Bembibre, entre os que se atopan alumnos e profesores, reuníronse unha semana máis para elaborar diferentes experimentos relacionados co mundo da ciencia. Experimentos que divirten ao alumnado, e, en ocasións, déixano abraiado. Cunha breve pausa no medio para repoñer forzas con algo de comer, estiveron prácticamente cerca de tres horas entretidos cos asuntos da física. Velaquí temos diferentes fotos:

Buscar este blog